(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 178

॥ శ్రీః ॥
1.178. అధ్యాయః 178
Mahabharata - Adi Parva - Chapter Topics
బకవధానంతరం సమాగతానాం తత్పరివారాణాం భీమేన సమయకరణం॥ 1 ॥
నగరద్వారదేశే బకశరీరం నిధాయ బ్రాహ్మణగృహమా గత్య భీమేన కుంత్యాదీన్ప్రతి బకవృత్తాంతకథనం॥ 2 ॥
మృతబకదర్శార్థం పౌరాణాం గమనం॥ 3 ॥
బ్రహ్మమహోత్సవకరణం॥ 4 ॥
బకవధేన పౌరాణాం భీమసేవనం॥ 5 ॥
Mahabharata - Adi Parva - Chapter Text

వైశంపాయన ఉవాచ। 1-178-0x(1026)(8074)
తతః స భగ్నపార్శ్వాంగో నదిత్వా భైరవం రవం।
శైలరాజప్రతీకాశో గతాసురభవద్బకః॥ 1-178-1(8075)
తేన శబ్దేన విత్రస్తో జనస్తస్యాథ రక్షసః।
నిష్పపాత గృహాద్రాజన్సహైవ పరిచారిభిః॥ 1-178-2(8076)
`బకానుజస్తదా రాజన్భీమం శరణమేయివాన్।
తతస్తు నిహతం దృష్ట్వా రాక్షసేంద్రం మహాబలం।
రాక్షసాః పరమత్రస్తా భీమం శఱణమాయయుః॥' 1-178-3(8077)
తాన్భీతాన్విగతజ్ఞానాన్భీమః ప్రహరతాం వరః।
సాంత్వయామాస బలవాన్సమయే చ న్యవేశయత్॥ 1-178-4(8078)
న హింస్యా మానుషా భూయో యుష్మాభిరితి కర్హిచిత్।
హింసతాం హి వధః శీఘ్రమేవమేవ భవేదితి॥ 1-178-5(8079)
తస్య తద్వచనం శ్రుత్వా తాని రక్షాంసి భారత।
ఏవమస్త్వితి తం ప్రాహుర్జగృహుః సమయం చ తం॥ 1-178-6(8080)
`సగణస్తు బకభ్రాతా ప్రాణమత్పాండవం తదా।'
తతః ప్రభృతి రక్షాంసి తత్ర సౌంయాని భారత।
నగరే ప్రత్యదృశ్యంత నరైర్నగరవాసిభిః॥ 1-178-7(8081)
తతో భీమస్తమాదాయ గతాసుం పురుషాదకం।
`నిష్కర్ణనేత్రం నిర్జిహ్వం నిఃసంజ్ఞం కంఠపీడనాత్।
కుర్వన్బహువిధాం చేష్టాం పురద్వారమకర్షత॥ 1-178-8(8082)
ద్వారదేశే వినిక్షిప్య పురమాగాత్స మారుతిః।
స ఏవ రాక్షసో నూనం పునరాయాతి నః పురీం॥ 1-178-9(8083)
సబాలవృద్ధాః పురుషా ఇతి భీతాః ప్రదుద్రువుః।
తతో భీమో బకం హత్వా గత్వా బ్రాహ్మణవేశ్మ తత్॥ 1-178-10(8084)
బలీవర్దౌ చ శకటం బ్రాహ్మణాయ న్యవేదయత్।
తూష్ణీమంతర్గృహం గచ్ఛేత్యభిధాయ ద్విజోత్తమం॥ 1-178-11(8085)
మాతృభ్రాతృసమక్షం చ గత్వా శయనమేవ చ।
ఆచచక్షేఽథ తత్సర్వం రాత్రౌ యుద్ధమభూద్యథా॥' 1-178-12(8086)
తతో నరా వినిష్క్రాంతా నగరాత్కల్యమేవ తు।
దదృశుర్నిహతం భూమౌ రాక్షసం రుధిరోక్షితం॥ 1-178-13(8087)
తమద్రికూటసదృశం వినికీర్ణం భయానకం।
దృష్ట్వా సంహృష్టరోమాణో బభూవుస్తత్ర నాగరాః॥ 1-178-14(8088)
ఏకచక్రాం తతో గత్వా ప్రవృత్తిం ప్రదదుః పురే।
తతః సహస్రశో రాజన్నరా నగరవాసినః॥ 1-178-15(8089)
తత్రాజగ్ముర్బకం ద్రష్టుం సస్త్రీవృద్ధకుమారకాః।
తతస్తే విస్మితాః సర్వే కర్మ దృష్ట్వాఽతిమానుషం।
దైవతాన్యర్చయాంచక్రుః ప్రార్థితాని పురా భయాత్॥ 1-178-16(8090)
తతః ప్రగణయామాసుః కస్య వారోఽద్య భోజనే।
జ్ఞాత్వా చాగంయ తం విప్రం పప్రచ్ఛుః సర్వ ఏవ తే॥ 1-178-17(8091)
ఏవం పృష్టః స బహుశో రక్షమాణశ్చ పాండవాన్।
ఉవాచ నాగరాన్సర్వానిదం విప్రర్షభస్తదా॥ 1-178-18(8092)
బ్రాహ్మణ ఉవాచ। 1-179-19x(1027)
ఆజ్ఞాపితం మామశనే రుదంతం సహ బంధుభిః।
దదర్శ బ్రాహ్మణః కశ్చిన్మంత్రసిద్ధో మహామనాః॥ 1-178-19(8093)
పరిపృచ్ఛ్య స మాం పూర్వం పరిక్లేశం పురస్య చ।
అబ్రవీద్బ్రాహ్మణశ్రేష్ఠో విశ్వాస్య ప్రహసన్నివ॥ 1-178-20(8094)
ప్రాపయిష్యాంయహం తస్మా అన్నమేతద్దురాత్మనే।
మన్నిమిత్తం భయం చాపి న కార్యమితి చాబ్రవీత్॥ 1-178-21(8095)
స తదన్నముపాదాయ గతో బకవనం ప్రతి।
తేన నూనం భవేదేతత్కర్మ లోకహితం కృతం॥ 1-178-22(8096)
తతస్తే బ్రాహ్మణాః సర్వే క్షత్రియాశ్చ సువిస్మితాః।
వైశ్యాః శూద్రాశ్చ ముదితాశ్చక్రుర్బ్రహ్మమహం తదా॥ 1-178-23(8097)
తతో జానపదాః సర్వే ఆజగ్ముర్నగరం ప్రతి।
తమద్భుతతమం ద్రష్టుం పార్థాస్తత్రైవ చావసన్॥ 1-178-24(8098)
వేత్రకీయగృహే సర్వే పరివార్య వృకోదరం।
విస్మయాదభ్యగచ్ఛంత భీమం భీమపరాక్రమం॥ 1-178-25(8099)
న వై న సంభవేత్సర్వం బ్రాహ్మణేషు మహాత్మసు।
ఇతి సత్కృత్య తం పౌరాః పరివవ్రుః సమంతతః॥ 1-178-26(8100)
అయం త్రాతా హి ఖేదానాం పితేవ పరమార్థతః।
అస్య శుశ్రూషవః పాదౌ పరిచర్య ఉపాస్మహే॥ 1-178-27(8101)
పశుమద్దధిమనచ్చాస్య వారం భక్తముపాహరన్।
తస్మిన్హతే తే పురుషా భీతాః సమనుబోధనాః॥ 1-178-28(8102)
తతః సంప్రాద్రవన్పార్థాః సహ మాత్రా పరంతపాః।
ఆగచ్ఛన్నేకచక్రాం తే గాండవాః సంశితవ్రతాః॥ 1-178-29(8103)
వైదికాధ్యయనే యుక్తా జటిలా బ్రహ్మచారిణః।
అవసంస్తే చ తత్రాపి బ్రాహ్మణస్య నివేశనే।
మాత్రర సహైకచక్రాయాం దీర్ఘకాలం సహోషితాః॥ ॥ 1-178-30(8104)

ఇతి శ్రీమన్మహాభారతే ఆదిపర్వణి బకవధపర్వణి అష్టసప్తత్యధికశతతమోఽధ్యాయః॥ 178 ॥ ॥ సమాప్తం చ బకవధపర్వ ॥

Mahabharata - Adi Parva - Chapter Footnotes
1-178-13 కల్యం ప్రాతఃకాలే॥
1-178-19 ఆజ్ఞాపితం రాజకీయైరితి శేషః।
అశనే రాక్షసస్య భోజనార్థం॥
అష్టసప్తత్యధికశతతమోఽధ్యాయః॥ 178 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.